shoes trends for s/s 2009

السنه هاذي انشالله ماراح تكون موضه الجزم منحصره بستايل واحد او مجموعه الوان او نوع جلد .. الكود للسنه هاذي بيكون وش “شكل ” الجزمه ..

الخيارات عديــــــــده جدا وبيكون من الصعب تشابه الشي الي بتلبسينه مع الباقين ..

طبعا الستايلات تقسمت لكم جزء وبستعرضها عليكم …

1- الهدب:

ماهي؟ : امتداد كبير لموضه الشتا الي الحين .. بس طبعا بتكون اخف وانعم وتميل لمصدر الالهام الاصلي الي هو من الفلكلور للهنود الحمر..

وين شفناها؟:christian louboutin في عروض 3.1 Phillip Lim و Ruffian ..

الحكم عليها ؟: الهدب بتكون ممتده بشكل كبير في عام 2009 سواء كانت فلات او كعب عالي ..

كيف تحققين الشكل الحلو ؟: خليك مع الالوان الطبيعيه بالبني والجملي ودرجاته والاسود و(الشاموا) فقط..

2- السلاسل والمسامير :

ماهي؟: احذيه غالبا ماتكون سودا او معدنيه الالوان وتكون مرصعه بمسامير او سلاسل وتعطي انطباع با ROCK او GOTH ..

وين شفناها؟: شفنا مسامير وسباكيس على شكل اهرام صغار في عرض Balmain .. وبشكل كاجوال وابسط في عرض Anna Sui ..وفي عرض KENZO كانت ابوات معدنيه اللون وفيها شرايط جلد مرصعه ..و في Rodarte بشكل اخشن شوي بسلاسل معدنيه والجلد الباتنت ..

الحكم عليها ؟: جميله بس ماتنفع لكل البنات ..

كيف تحققين الشكل الحلو ؟: تجنبييييييييي الجلد الرديء ( الربر ) لانه يعطي شكل رخيص جدا لك ..

3- الإكزوتيك *:

ماهي ؟: مع الاكسسوارات الاكزوتك الي تضمنتها اغلب العروض لربيع صيف 2009 انتقلت الموضه للأحذيه بعد ..وتكون ظاهره عن طريق تزيين الاحذيه بالوان طبيعيه واحجار وخرز فلكلوري مرتبط بالحظارات القديمه ..

وين شفناها ؟: في عروض Anna Sui, Donna Karan, Dries Van Noten, Louis Vuitton.

الحكم عليها ؟: حلاتها كعب عالي ..الا اذا كان فلات يكون واقف بشكل حلو جدا ومامكن يشبه غيره مثل فلات Anna Sui الفرعوني..

كيف تحققين الشكل الحلو ؟: بتكون حلوه مع الوان صارخه (موب نيوون ) بس شي من وحي الامازن او الفرعوني .. وتنفع مع الفساتين الاغريقيه ..

* الاكزوتك دايم ينقال على الستايل الغامض الي يعطي شكل فلكلوري عاده او للستايل  الفرعوني – الهندي- والامازون .. اي شي فيه الوان وخرز واقمشه غنيه بالتفاصيل واحجار كريمه..

4-القلادييتر:

ماهي؟: الموضه موجوده من 2008 الى الان وانشالله لصيف 2009  ومن وقت ما طلعت وهي كل فتره يظهر عليها تغييرات بسيطه عشان ماتكون في شكلها الكلاسيكي المعروف..وكانت موجوده بشكلينها الفلات والعالي..

وين شفناها؟: في عروض كل من La Perla, Anna Sui, Iceberg.

الحكم عليها؟: حلوه طبعا في الصيف مع ملابس بسيطه من فساتين او تنانير خفيفه ..

كيف تطلعينها بشكل حلو؟ : لاتلبسين القلادييتر الا اذا كان شكله مميز جدا ..

5- جلد الزواحف:

ماهي؟: امتداد من موضة شتاء 2008 .. السنه هاذي انواع مختلفه من الجلود..

وين شفناها ؟: في عروض Tuleh, Ralph Lauren, Bottega Venetta, BCBG Max Azria, Carolina Herrera, Matthew Williamson, Thakoon..

الحكم عليها؟: كلها راجعه لذوقك كيف تختارين الاختيار الصح واللون الصح..

كيف تطلعينها بالشكل الحلو؟: ابتعدي من الالوان البايخه لجلد الافعى سواء كان جلد طبيعي او صناعي..

6- الربط:

ماهي؟: يكون فيها  شرايط او حبال تربط حول الساق مثل حركه البالرينا شوز..

وين شفناها؟: Dior, Phillip Lim, Lacoste, Marc by Marc Jacobs, Donna Karan.

الحكم عليه؟: التربيط موضه لطيفه سواء للفلات او الكعب العالي..

كيف تطلعينها بشكل حلو ؟:  فلاتس لاكوست جميله جدا للنهار في الصيف .. والخيار الافضل للكعب العالي هي الربطات الجلديه..

7-الشريط على الكاحل:

ماهي؟: شكلها يكون بكعب عالي جدا ويكون شريط حول الكاحل او 2 او 3 ..

وين شفناها؟: Gucci, Oscar De La Renta, Pucci.

الحكم عليها؟: اي حذاء يتسكر من عند الكاحل شي طبيعي جدا انه يقصر من طول الساق .. يعني يجب على الي تشوف انها قصيره انها تبتعد الستايل هاذا..

كيف تطلعينها بالشكل الحلو ؟:(للقصيره)… لازم تكونين حذره واذا قررتي انك تلبسينه اختاري طول عالي جدا عشان يسوي توازن شوي بالطول ..

8- الكعب الغريب:

ماهي؟: الموضه السنه هاذي تعتمد على الشكل الغريب للكعب عكس السنه الي فاتت يوم كان الاهتمام تجاه الهيئه العامه للحذاء..وصار بدل ماالكعب شي تقني فقط للحذاء ومهم للتوازن اصبح مهم بالنسبه من ناحيه الشكل الي يعطي شي جمالي للحذاء واهميته مثل اهمية الجلد واللون ..

شفناه وين؟: Christian Dior يوم كان مسوي الكعب بشكل تماثيل بألوان منعشه عديده..Alexander McQueen والكعب الملتوي..Marc Jacobs باشكاله الغريبه الهندسيه ..و Bottega Venetta بالكعب المجدول الي مشتهرين فيه بالشنط ..

الحكم عليه ؟: راائعه جدا الحركه وتصلح للبنات الي يحبون الاحذيه المميزه ..

كيف تطلعينها بالشكل الحلو؟: البسيها مع شي مايغطي عليها عشان تبين زين ..واذا انتي شريتيها غاليه وحابه تحللين قيمتها لول حاولي تجددين فيها وتلبسينها مع كم كوود مختلف من اللبس..

viktor & rolf pre-fall 2009

خطوه ذكيه من المصممين Viktor Horsting and Rolf Snoeren باستخدامهم صوره لفتاه روسيه من السبعينات كألهام لمجموعتهم لل pre-fall 2009 نظرا لاعتبار روسيا سوق كبير للدار ..

استخدمو الاقمشه الدارجه في السبعينات مثل الجرسيي الناعم ..الجورجيت..

givenchy pre-fall 2009

من 4 سنين والمصمم Riccardo Tisci يظهر بمجموعات عليها طابع الrock وغالبا ماتكون باللون الاسود والابيض ..

كما ان المصمم استخدم شعر الخروف المنغولي في بعض القطع..

Christian Lacroix pre-fall 2009

christian dior pre-fall 2009

المجموعه كانت كلاسيكيه جدا وتشبه الموديلات الي ممكن نشوفها في افلام الفريد هيتشكوك ..

alexander mcqueen pre-fall 2009

التشكيله الحلو فيها التشابه الكبير بينها وبين التشكيله الرجاليه للمصمم الي انعرض الاسبوع الفايت في ميلان . . والي كان طاغي عليها ستايل روايات تشارلز دكنز ..

تنوعت المجموعه بين فساتين بهاي نك -جاكيتات فروسيه – وتنانير ماكسي .. طبعا الحلو في الموضوع هو انا شفنا خبره الخياطين وحرفيتهم واتقانهم في عملهم على القطع ..

الشي الحلوو والغريب انه استخدم في بطانه الاكوات والجاكيتات البطانه الي تستخدم في التوابيت .. العامل هاذا هو واحد من العوامل الي محبين المصمم ينتظرونه في كل تشكيله يطلقها المصمم ..

more scarves made by meee

هذا سكارف طلب من محمد وصديق محمد لول ..

elie saab spring 2009 couture

..it was, of course, eveningwear as usual

3D chiffon appliqués gave a bit of hefty upholstering to some silhouettes

these are some of what i like

it wasn’t my thing really..

valentino spring 2009 couture

بعد اقاله المصممه Alessandra Facchinetti من منصبها كمصممه دار valention  بعد موسمين فاشلين بالنسبه للدار وتمت ترقية فريق المجوهرات والاكسسوارات للدار واصبحوا المصممين للكوتور والملابس..  Maria Grazia Chiuri & Pier Paolo Piccioli ظهروا بأول تشكيله لهم قبل امس وتم العرض في قاعده محاظرات في جامعه السوربون..

الثنائي اظهر لنا مجموعه وصفها النقاد بأنها مجموعه محترمه وتليق بأسم المصصم المتقاعد وبأسم الدار العريقه..المجموعه كانت انيقه و راجعه لقواعد valentino وكانت “ladylike”  لدرجه ان شكل العارضات النحيلات كان غريب مع الموديلات المعروضه..

الاوان حلوه والمميز في التشكيله انه مافيها ثيم معين يظغى على كل الموديلات واحتمال ان السبب هو انه مصممين مختلفين قامو بتصميم المجموعه ..

يصعب الحكم على الثنائي حاليا ولكن موضعهم بيكون تحت المجهر بعد اسابيع وقت عروض ال Prêt á porter  لكن حاليا بيكون الوظع المستحب هو انه يبقون كوول لمصلحه الدار ولتخفيف الدراما الي كانت حوله الفتره الاخيره ..

هاذي بعض الصور للحاجات الي لفتت نظري من العرض و click للتكبير ..

abeeha :|

ابيهاااااااااااااااا