الوان خريف شتاء 2009

سلااااام ..

رجعت لكم اليوم بالوان الشتا للسنه الجايه انشالله ..:)

الاوان طبعا صدرت من بانتون الي لهم الحقوق محفوظه ..

الالوان بحد ذاتها تعكس الاوضاع الاقتصاديه الي نمر فيها من ركود وانحدارات وغيره ..

مجموعه من الوان الباستيل ..الالوان الجريئه بتكون بعيده نوعا ما عشان ماتكون القطع الي نشتريها محدوده بزمن معين  (dated) ونقدر نستفيد منها في كم مره وبستايلات مختلفه  في الوقت الصعب هاذا..

وهاذي هي الالوان بأسمائها ..

im back :)

الحمدلله رجعت لبيتي بالسلامه بعد رحله موفقه لدبي(  مدينتي )  *heart*  .. طبعا مستحيل الواحد يروح لدبي بدون مايتسوق في واحد من اسواقها على الاقل ..

لوول بالنسبه لي كان الوضع اقرب انه يكون ادماني جلست اتسوق حتا اخر لحظه قبل طلوعي للطياره وانا راجعه .. وطبعا كان الجو يساعد بسبب وجود ارقا دور الازياء والهدايا في السوق الحره بالمطار ..

حبيت اشارككم بالحاجات الي حبيتها هناك عشان تجربونها بعد ..

طبعا الكل توقع اني بروح كل مكان بس الصراحه انا اكتفيت بمول الامارات الظخم لان فيه كل شي احتجته  واكثر..

المكان الي سكننا فيه مكانه كان رائع وكنا نقدر نروح المول مشي واحيانا اصير متعيجزه واركب مع تاكسي و (يطنقر )لان المشوار مايجيب له الا 5 ونص درهم ومايقدر يقول لا انزلي ههههههههه.. اسمه golden tulip سويتس ..

كل مكان نظيف جدا كما تعودنا عليه والناس لطيفين كثير ومتعاونين وذوق ..

هاذا كافيه جدا جميل اسمه كافيه هافانا وطبعا الثيم كان كوبي  المكان كان جميل وممتع بس كنت وحدانيه

وهاذا كافيه ثاني اسمه سانت مورتيز كان اوكي بس موب مره واو .. الموكا عاديه والفوندو كان مخبوز اكثر من اللازم ! .. الجو المحيط كان ستايل ريفي ومطل على SKI DUBAI والميوزك كانت لاتينيه !! وهاذا الشي الي نرفزني ..

عزمت اهلي على فلم  SLUMDOG  MILLIONAIRE الي حصل اليوم على اوسكار افضل فلم مع جوائز ثانيه بعد .. ابوي طبعا تحمس كثير مع الفلم لوووووول !! بابا (قلب)..

هاذي بعض الحاجات الي شريتها وكانت شوي بسبب ضيق الوقت وعدم حاجتي لحاجات كثر ولان الميزانيه كانت محدوده 

هاذا منظر لسقف مول الامارات بجانب منطقه القاليريا الراقيه ..

وقبل مانطلع للمطار رحنا لكافيه امبوريو ارماني  بعد نصيحه من غاده وحبيناه جدا جدا جدا بس كان عيبه الوحيد ان حجمه صغير نسبيا وان ماجيت بدري وحجزت لك مكان ماراح تكون محظوظ ..

امي طلبت لها كابوتشينو مثل دايما وابوي لاتي ..

واحد موكا لوكا لي .. ونفس الشي لاخوي العزيز ..

فوندو بالشكل الي احبه بالظبط ..:) ناشف من برا ومن داخل بركان تشوكليت ..

تيراميسو لطيفه ..

هايلايت الرحله كلــــــــــــــها كان يوم قابلت شخصيا دبدوب كارل لاقرفلد الي سبق وكتبت عنه قبل وهو الدب الوحيد في الامارات حسب كلام الي في المحل .. كانت تجربه مميزه واعتبر نفسي محظوظه اني صورته وحملته بين يديني لو لفتره بسيطه :).. طبعا كنت مبهوره بالاتقاااان في الصنع ..

Christian Louboutin Marie Antoinette-inspired shoe collection

قام مصمم الاحذيه الشهير Christian Louboutin بتصميم مجموعه من الاحذيه مستوحاه من ملكه فرنسا ماري انتوانيت ..  طبعا المجموعه لمتد .. وموجود منها فقط 36 زوج حول العالم ..

الديزاينات مشاركه بينه وبين فنان التطريز الفرنسي الشهير Jean-Francois Lesage ..

سعرها طبعا  غالي $6,295

وبتنباع في بوتيك المصمم فرع ماديسون افينيو ..في 26 فبراير ..

الحذاء بيكون في علبه مخصصه له غير العلب المعتمده دايما وبيكون معه مرفق كتيب صغير فيه خطوات التصميم والسكتشات حقت الكولابريشن..

يا الله الزرقا مررررره تنرفز مابيهاااااا ابد ابددددددد

really good stuff

اليوم شرفتنا في البيت مدام شاديا ومدام هيلينا زكريا ..وجايبين معهم بضاعه مجوهرات عربيه للمصممه المصريه جينا خطاب بعد اتفاق معنا انه بيكون في بيتنا open house ..

المجموعه كانت جميــــــــله جدا وهاذي المره الاولى الي اعرف فيها المصممه هاذي ..

طبعا تصاميمها بما انها عربيه بتكون مستمده من الخط العربي وآيات ومقولات معروفه عند العرب ..

الخامات فضه-ذهب -لؤلؤ – واحجار كريمه..

للأسف اعتذرو مننا انا مانصور لاسباب الحقوق تبع المصممه ..

بس صورت القطع الي شريناها وانشالله ماتكون المره الوحيده وتعجبكم

الاسعار كانت مناسبه جدا وفي متناول اليد ..

اخذت كرت المصممه ورقمها عندي ولو حابين تسألون عنها just ask

سلسال من اللولو والفضه مكتوب عليه الحارس الله وتحتها (ان ينصركم الله فلا غالب لكم )

وهاذا ديتيل له

هاذا سلسال ابسط شوي ومكتوب عليه (كن جميل ترا الوجود جميل)..

هاذي سواره مكتوب عليها ماشاء الله ..

هاذا earring مكتوب عليه الرحمن..

هاذا earring ثاني مكتوب عليه ( اذا اغلق باب فتح الله الف)..

وهاذي محفضه من الجلد عليها قطعه فضه مكتوب عليها (الحارس الله )..اخذناها هديه لبابا

انشالله انها تعجبكم مثل ماعجبتني

Victoria Beckham fall 2009

Ruffian fall 2009

reem acra fall 2009

“If it were up to me, I’d be doing laundry in one of these gowns,”  هاذي الجمله قالتها الممثله Sofia Bush تعليقا منها على الفساتين المعروضه للمصممه ريم اكرا لشتاء 2009 ..

الفساتين تميزت بنعومتها واقمشتها الانثويه جدا ..غير ان البساطه كانت طاغيه على كل المجموعه (بسبب الاحوال الاقتصاديه ) ..

معلومه: الفستان الشيفون الذهبي صنع من كميه كبيره من القماش (حول 20 يارده ) بس الشي هاذا مابان طبعا لدقه العمل على الفستان

miss sixty fall 2009

التشكيله كانت مستوحاه من الثمانينات وكان هاذا الشي باين في الskinny aced-wash jeans و jumpsuits و التيشيرتات المطبعه ..

سامحوها ياسيادنا ماكانش أصدها 4

من جد

NO no NO

The problem is that she wore it to a style awards!

CLICK TO ENLARGE

sofia coppola's collection is ready

مجموعه المخرجه الامريكيه صوفيا كوبولا الي صممتها للدار الفرنسيه لوي فيتون اصبحت جاهزه الحين وتم عرضها في مجله ماري  كلير الفرنسيه ..

سبق وان تكلمت عن التشارك بينها وبين الدار وكانت بس افكار عن شكل البروتوتايب بدون اي تفاصيل تدل على شكلها كيف..

وتكلمت المخرجه في حفل الاعلان عن المجموعه بانها هي وصديقاتها يبحثون من زمان على الحقيبه الي تكون عمليه لكل يوم وممكن تشيلين فيها كل شي وبنفس الوقت تكون انيقه ..

طبعا الحقيبه الكبيره تجي بماتيريالز مختلفه من شاموا رمادي وكحلي وعنابي وفي الكلاسك مونوقرام بعد .. كما انها صممت بعد 4 شنط صغيره للسهرات بنفس الالوان ..

المعروف عن ستايل صوفيا باللبس انه كلاسك ورومانسي وانعكس هاذا الشي على تصميماتها ..